جماهير السوشيال : الخطيب سيضحي ب ٥٠ مليون جنيه ديون كهربا للحفاظ علي صورته فقط

كتب : خليل ابو العلا

دائما الجماهير علي السوشيال ميديا لها اراء تستحق الوقوف عند كلماتها … واحيانا تكون في كلماتهم  الصواب والمعلومه … ونحن العربي اليوم كوره فتحنا بوابه كوره سوشيال  لنشر اراء  الجماهير القيمه والمفيده نختارها من الفيس بوك او تويتر او يتم ارسالها انا وانتقاء الافضل

ومن صفحه الاعلامي  عبدالله جلال ننقل لكم هذه الاراء في قضيه محمود كهربا

———————————-

عارف إنت إيه الموجع في إيقاف وغرامة كهربا.؟ مش ال ٢ ونص مليون دولار اللي المفروض يندفعوا لاء.. كده كده أنا عارف وإنت عارف إن الأهلي هيدفع لكهربا فلوس الغرامة.، عشان قصة كهربا مش مجرد لاعب موقوف وموقع عليه غرامة لاء.. دا لاعب إنت واخده من الزمالك بعد ما قدمت ليه كل الضمانات إنك هتفضل جنبة ومش هتسيبة. ف لازم لازم هتقف جنبه وهتدفعله فلوس الغرامة

لكن المؤلم في حوار كهربا إنك هتدفع الإتنين ونص مليون دولار في مقابل إنك تحافظ علي صورتك وهتدفعهم في لاعب لم يقدم شيء للفريق منذ إنضمامه بالعكس بقاله ٣ سنين ملمسش كورة.. ومش هيقدم حاجه للفريق بعد دفع الغرامة لأن عقليه اللاعب لا تتحمل الضغط.، ما بالك بقي لمًا يبقي مدفوع فيه ٥٠ مليون جنية.

إنت متخيل حجم الضغط اللي هيتحط عليه من الإدارة والجمهور وهوا بقالة ٣ سنين يا مؤمن ملعبش كورة وبقي عنده ٢٨ سنة.. دا وهوا في أفضل حالاته أتخانق مع محمد حلمي مدرب الزمالك ودخل في مشاهدة مع جماهير أهلي جده لما كان بيلعب في الاتحاد والموسم اللي بعده دخل في مشاده مع جماهير الإتحاد غير خناقته مع كوبر في كاس العالم ماتش السعودية.. ضيف خناقته مع الشناوي وسيد عبدالحفيظ وضيف عليهم مشكلته مع محمد فضل عضو اللجنة الثلاثية.

عاوز إنت بقي تقنعني إن كهربا بعد ما هيتدفع فيه ٢ ونص مليون دولار ويتحط تحت ضغط الجمهور هيقدر يستحمل.؟

يا اخي دا كان سايب الزمالك ومدخل نفسه في مليون حوار وراح الاهلي أول لما الجمهور شافه بيتدلع في الملعب حطوا عليه.

تخيل تدفع في ٥٠ مليون جنية وإنت ماستفدتش منه ومش هتستفيد منه.

كلمات دلالية

اترك تعليقاً

لن يتم نشر عنوان بريدك الإلكتروني.