يا سياده المستشار : بعد اتهامك لهم بالاخونه ضد مصر … صالحهم في بيتكم بعيد عن الزمالك

بقلم : خليل ابو العلا

كلمه حق
يعني حضرتك تاخدنا ساعتين ونص انهم فيهم الاخوان وبينفذوا اجنده ،.. وبياخدوا تعليماتهم من علاء صادق الهارب من قطر ….
والخطيب بينفذ تعليمات السوشيال ميديا ،.. وان اسمه ايه متربي مع الحمير وكان في رابعه وبيتعامل مع رموز اخوانيه وميقدرش يدخل قريتهم …..
وان وزيرهم ايام الاخوان كان بيوقع بينك وبين مندوب معالي رئيس الجمهوريه في نهائي الكاس …. كل الكلام دا عاقل واعتقد ان مصر كلها او نسبه كبيره وافقتك عليه .
لكن بعد العرض الرائع ده الذي اراه متفق عليه مع الدوله ،… ترجع وتقولي بمد ايدي واعزمهم في الزمالك …. او هما يدعوني في ناديهم للتصالح من اجل مصر ….
ازاي توافق او احنا نوافق انك تحط ايدك في ايدي اخوان وعملاء واجنده كما تقول .

لاء يا حبيبي هي مش زعله علي عشره طاوله … يا الناس دي ضد مصر وتتحاسب …. يا انت ومن سلطك بتتجني عليهم .

احنا بنحب مصر اكتر منك ومن رموز في الدوله ….. عاوزين الحقيقه والحساب والعقاب …. احنا مش عرايس في ايد امكم ….
احنا برضو تربيه شبرا واتربينا علي الوطنيه والجدعنة .
ولست ضد التصالح لما يكون الخلاف كوره او عشره كوتشينه.
لكن تصالح مع اجندات وارهاب وتهديد بجماهير كما تقولون وكما نري ونشعر وهي حقيقه …. لاء والف لاء .
الحقيقه اولا …. لان كده احدكم يسئ لمصر …. يا انت يا هما .

كلمات دلالية

اترك تعليقاً

لن يتم نشر عنوان بريدك الإلكتروني.