غنيم وحكايات رياضيه: عبده يحي بعد الفوز علي الاهلي ملاقاش مواصله تروحه

 

حكايات رياضيه

عبده يحيي الذي سخر منه كابتن مدحت شلبي
… عبده هو الابن الاكبر لاسرة مصرية من محدودي الدخل يسكن في منزل من طابق واحد بقرية محلة دمنة التابعة لمركز المنصورة ويقع منزله في احد افقر شوارع القرية وبالتحديد شارع جانبي لاتدخله الشمس ولكن ان تتخيل كيف تكون الحياة في مثل هذه الشوارع التي لايوجد بها نت او شبكة موبيل
….. توفي والده والذي كان يعمل موظف حكومي وقامت والدته بالإشراف علي تربيته ولم تكن تملك الا معاش والده وكان عبده يحيي المسئول عن اسرته المكونة من اخ واخت يصغرانه وكانت ومازالت اهم احلامه هو استكمال باقي جهاز شقيقته الصغري التي سيكون حفل زفافها خلال الايام المقبلة
… عبده انضم لناشئي المحلة وكان ومازال احد اهم مواهب الفريق الاول بالنادي وبعدما كان سبب في صعود الفريق للدوري الممتاز وكان ومازال احد اهم نجومه في الدوري الممتاز منذ الموسم الماضي وتلقي عدد كبير من العروض من اندية القمة في الدوري المصري
… عبده يحيي حتي هذه اللحظة بيركب قطر درجة ثالثة علشان يروح بلدهم لانه لايملك ثمن عربية وكل مرتبه من الكرة بيصرفه علي بيته واجهاز اخته ومصاريف دراسة اخوه
… لك انك تتخيل ان السنة اللي فاتت بعد فوز المحلة علي الاهلي بهدف نظيف في مباراة كان نجمها الاول عبده يحيي وكان الماتش في رمضان وعبده بعد الماتش مكنش لاقي مواصلات لإن القطر فاته فالكابتن خالد عيد قاله مكافأة ليك النهاردة هوصلك لحد البيت ودي كانت مكافأة الماتش لعبده بعد الفوز علي الاهلي
…. عبده في اول الموسم كانت فيه مفاوضات مع نادي كبير وكان قاب قوسين او ادني من الانتقال ووقتها مسئول كبير في النادي دا ونجم كبير من نجوم الكرة المصرية سأل عبده يحيي ( محتاج ايه يابني نعملهولك ونساعدك ازاي ؟؟ ) ووقتها كان رد عبده بالنص ( عايز 50 الف جنيه اكمل جهاز اختي علشان هتتجوز قريب )
إجابة عبده رغم بساطتها لكنها بتدل علي انه انسان ابن اصول ومكمل علي عهده لابوه بإنه مهما كبر مش هيسيب امه ولا اخواته
… افتكروا الكلام دا كويس وافتكروا ان عبده في الايام اللي جاية هيكون مهاجم مصر الاول لانه لاعب كبير فينا وملتزم جدا خلقيا
…. اتمني عبده ياخد الكلام اللي اتقال عليه امبارح من زواية اثبات الذات ويكون سبب رئيسي في إن غزل المحلة يحقق كأس الرابطة ودا هيكون افضل رد علي اللي اتقال امبارح والتقليل من قيمة اللاعب
#عبده_يحيي_مهاجم_مصر_الاول

كلمات دلالية

اترك تعليقاً

لن يتم نشر عنوان بريدك الإلكتروني.