الرئيسية / كورة سوشيال / فريق الإعلاميين .. هزائم ودياتكم المتتاليه جرس انذار خطير

فريق الإعلاميين .. هزائم ودياتكم المتتاليه جرس انذار خطير

منقوله من صفحه الزميل عبدالمنعم حسن

بعيدا عن النغمه السائده فى فترات اعداد الفرق بانه فى حالة تلقى الفريق أكثر من هزيمه بنقول دى فترة تجارب واى المشكله لما نخسر ادينا بنشوف اللعيبه .. طيب ما هو الفريق اللى بيكسب هو كمان فى فترة تجارب ولا تجارب عن تجارب تفرق ..

اللى عاوز اقوله باختصار شديد ازاى فريق كبير زى فريق الاعلاميين اللى انهى الموسم الماضى فى المركز الثالث بمجموعة الصعيد وعمل نتائج جيده المفروض يكون فى مباريات الاعداد افضل وأقوى خصوصا أن الفريق دعم صفوفه بلاعبين مميزين واصحاب خبرات ..
طيب ايه اللى حصل .

اللى حصل هو كارثه محققه بكل اركانها داخل فريق الاعلاميين .. ازاى يكون عندك راجل من أفضل القيادات الرياضيه فى مصر اسمه مع حفظ الالقاب خالد فتوح Khaled Fatooh موفر للفريق كل كبيره وصغيره وبالمعنى البلدى موفر لفريق الاعلاميين لبن العصفور ومهيأ كل الاجواء الصحيه والنفسيه والمعنويه تماما للجهاز الفنى بقيادة جميل حلمى وعمل للفريق معسكر اعداد يوازى معسكرات فرق الدورى الممتاز .. أه والله وتمامل لائحه ماليه زى فرق الممتاز .. ازاى ما تقدروش كجهاز فنى تستغلوا كل عوامل وأدوات النجاح اللى مجلس الاداره موفرينها لكم وتحققوا نتائج تطمنهم بان الفريق أصبح اقوى من الموسم الماضى وعلى الأقل يقدر ينافس على الصعود .. لكن العكس كان صحيح الفريق يفشل فى تحقيق الفوز وأصبح عنوانه هزائم فى هزائم واصبح الفريق فى مباريات الإعداد حصاله لكل من هب ودب وللصغير قبل الكبير فى الوقت الذى تلقى 5 هزائم متتاليه .. طب ايه السبب وهل هناك تحقيق من جانب مجلس الاداره فى هذه الهزاىم ولا هنقول دى فترة تجارب. تجارب ازاى وانت 90% من قوام الموسم الماضى موجودين معاك هذا الموسم وان اللعيبه الجدد أصحاب مستوى عالى وتم انتقاءهم باحترافيه شديده ..

وحياة ابوك الغالى هو ده ما يديش جرس انذار وتنبيه شديد اللهجه ان فيه حاجه غلط فى الجهاز الفنى خصوصا ان قبل بداية الموسم ظهرت حاله من الاشتباك والتقطيع والتقليل منهم ضد بعضهم فى الوقت الذى ظهرت نغمه حاليا داهل النادى بتقول ان اللعيبه أقوى من الجهاز الفنى ..
كب ايه الحل .. فريق الاعلاميين غالى علينا ولازم يكون فيه حل حتى ولو وصلنا لمبدأ إنسف وتخلص من حمامك القديم طالما لسه فيه مدربين عايشين بمبدأ التليفزيون ابو بكره ..
مفيش وقت الاعلاميين فريق كبير

كابتن جميل حلمى .. راجع امورك واسلوبك لعل الهزائم تكون خير ..
— مع ‏كا بتن جميل حلمى‏.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *