الرئيسية / كورة سوشيال / احد السعودي يفضح كذب الاهلي بأعاره والتخلص من مؤمن زكريا المصاب

احد السعودي يفضح كذب الاهلي بأعاره والتخلص من مؤمن زكريا المصاب

منقوله من صفحه اسامه احمد سعد المحامي

يناير 2019

الاهلى يقرر اعاره مؤمن زكريا لـ احد السعودى ، الطبيعى و البديهى ان اللاعب طلاما مصاب مينفعش يخرج لـ اى نادى لغايه ما يتعالج لكن الاهلى اعار مؤمن عادى فى موقف غريب !!

نادى احد السعودى يقرر فسخ التعاقد مع مؤمن زكريا بسبب عدم اجتيازه الكشف الطبى و اعلانهم انه مصاب بـ ضمور العضلات و مشاكل فى الاعصاب

كابتن سيد عبدالحفيظ و الاهلى يطلعوا ينفوا كلام النادى السعودى رغم الكشف الطبى !!! فى موقف عار على النادى الاهلى

مؤمن قاعد فى البيت مريض بقاله اكتر من 7 شهور كاملين ، مؤمن قال ان مفيش حد من الاهلى بيكلمه و الكل مطنش حالته !!

مؤمن كلم الخطيب ع التليفون مردش و بعد حاله من اليأس كلمه ع الواتس و بردوا الخطيب مردش عليه !

حاله مؤمن بتتفاقم لدرجه ان اللاعب مش قادر يتكلم و اعصابه للاسف بتنهار ، لكن لزوم الشوو الاعلامى الاهلى قرر يسفر مؤمن لالمانيا

بعد 7 شهور الاهلى افتكر ان عنده لاعب مصاب !! بعد 7 شهور من التعتيم و تكذيب كلام احد السعودى بيطلع النادى الاهلى شكله سئ جدآ و الكلام عن مرض مؤمن للاسف صحيح

ليه النادى الاهلى بيتعامل بالشكل دا ؟ فين الاخلاق فى كدا ؟ فين المبادئ فى كدا ؟

، من ايام جمال عبدالحميد لـ مجدى طلبه لـ كريم بامبو

مسلسلات الاهلى فى المواقف الغير انسانيه مستمرة لو دى مبادئكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *