أخبار عاجلة
الرئيسية / كورة سوشيال / د. عطيه سيد : محمد عبد الشافي نموذج للاعب القدوه لاولادنا

د. عطيه سيد : محمد عبد الشافي نموذج للاعب القدوه لاولادنا

بقلم :  دكتور عطيه سيد الخبير والمحاضر الدولي

 

شخصية رائعة…
محمد عبدالشافى..
لاعب نادى الزمالك ومنتخب مصر..
قليل الكلام.. كثير العمل.. عديم المشاكل..كبير الأثر…منذ أن رأيتة وتعاملت معة من سنيين طويلة كلاعب بقطاع الناشئين بنادى إنبى لم يتغير ولم يتعالى كانك تركتة منذ لحظات لم تغيرة المكانة ولا الإنجازات ولا النجومية
محدش يعرف صوته عمره ما اتكلم على فريقه أو فرقه غيره عمره ما اتشنج و لا عمل اى مشكله ولا رفض يقعد احتياط ولا تعثرت مفاوضات معة لانة عايز يتساوى مع لاعب اخر ولا شوهد فى مكان لا يليق وتطاول على مدرب ولا اعلام ولا جمهور، دائما تجدة فى الموعد متزن وهادىء محترم وملتزم ومركز فى عملة يعرف حدودة، لا يختلق مشاكل ولا مثير لأحداث، هادئ فى فوزة ومتزن جدا فى خسارتة،انسان عندة سلام داخلى وصحة نفسية وهدوء رائعين، لايبحث عن الاضواء ولا الظهور ولا يستقوى بجمهور ولا لة نفوذ ولا شلة ولا سند من مسؤلين او أعضاء مجلس ادارة كل رصيدة وممتلكاتة هى أخلاقة ومستواة والتزامة ولكنة دائم البحث عن العمل وتنفيذ ما يطلب منة او يكلف بة بأفضل طريقة واحسن أداء ..ودة مخلية دائم الانجاز فى اى مكان لعب او وطأت قدمية فية..
بطل أمم افريقيا مع المنتخب فى العصر الذهبى 200 / 2010
شارك فى كأس القارات فى جنوب افريقيا
ولعب فى كأس العالم 2018 ، غير بطولاته مع الزمالك والأهلى السعودى الدورى والكأس والسوبر… الخ ،بالرغم من كده مهدور حقه فى وسط مجتمع الإعلام والسوشيال ميديا..
محمد عبد الشافى نموذج محترم ومشرف ولكنة للاسف مش جاذب للإعلام بتاعنا اللى لية معاير ومقاييس تانية للنجومية لذلك لايتم القاء الضوء علية وللأسف مش محمد عبدالشافى هو الخسران احنا واولادنا واجيالنا اللى طالعة ومجتمعنا اللى خسرانيين، لأننا مصدرين ليهم دائما نماذج مسخ و اشباة نجوم جوة الملعب وبرة الملعب، لأن فكرتنا عن النجومية خطأ للأسف. تحتاج لكثير من التصويب والتصحيح
النجومية مش بس لعب واحراز هدف او تحقيق بطولة، لا دى بالإضافة لكدة شخصية والتزام داخل وخارج الملعب واستمرارية ومحافظة على مستوى وتطور دائم وإنجاز ومعرفة بالحقوق والواجبات واحترام للنفس والنادى والجمهور والحكام والمنافس ..
رسالة لكل المدربين وأولياء الأمور والمسؤلين والمهتمين بصناعة كرة القدم محمد عبد الشافى نموذج مشرف ومحترم يقتدى بة فياريت تربوا عيالكم ولاعبيكم يكونو زى الكابتن محمد عبد الشافي جوا الملعب و برا الملعب..
مش كدة ولا اية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *