أخبار عاجلة
الرئيسية / كورة سوشيال / بعد فشله اللعب بورقه الزمالك : الشيخ يكشف نفاصيل خلافات حسام عاشور وفايلر

بعد فشله اللعب بورقه الزمالك : الشيخ يكشف نفاصيل خلافات حسام عاشور وفايلر

سر خلافات  حسام عاشور مع فايلر  مدير فني الاهلي وجهاز الكره يرويها الصحفي الزميل محمود الشيخ من صفحاته علي الفيس بوك

 قصة حسام عاشور مع الأهلي باختصار وكل حرف ع مسؤوليتي.
1: عاشور دخل في خلاف شديد مع فايلر من شهرين بسبب قيام المدرب بضمه لقايمه ال20 لاعب قبل كل مباراة ثم يستبعده خارج ال18 عاشور اعترض وقال لفايلر انا لاعب تاريخي كبير لو مش هتحتاجني ضمن ال18 متاخدنيش معاك من الاول وتطلعني من القايمة انا مش صغير لكدا وطبعا الكلام اغضب فايلر وقلب ع عاشور وبقي يستبعده تماما من حساباته.
2: فايلر غير مقتنع بعاشور وادارة الأهلي شايفة ان عاشور فرصته فاللعب بقت صعبة وبتحاول تقنعه بالاعتزال في ظل وجود السولية وديانج مع حمدي فتحي ومحمد محمود وكريم نديفيد.
3: عاشور بيرفض الاعتزال وشايف انه يقدر يلعب سنتين كمان.
4: عاشور اتصل بوكيل اللاعبين سيد مرعي وطلب يقعد معاه في الشيخ زايد في احد الكافيهات هناك قبل ماتش السوبر ب8 ايام وتحديد يوم التلاتاء 11 فبراير الساعه 9 باليل وقاله بالحرف انا نفسي اجدد في الاهلي بس الراجل شكله مش عاوزني.
5: سيد مرعي قاله اي رايك تروح الزمالك انا اقدر اخلص هناك بالرقم اللي انت عاوزه علشان تبقي اكبر رد ع صفقة كهربا.
6: عاشور رفض قاله مستحيل العب في الزمالك انا نفسي اكمل موسمين في الاهلي علشان اكسر عدد بطولات داني ألفيش حتي لو مش هلعب ولو مشيت من الاهلي مش هعتزل شوف الناس في بيراميدز.
7: الاتنين اتفقوا انهم يستخدموا اسم الزمالك ويتم تسريب خبر في الاعلام عن مفاوضات الزمالك مع عاشور وانها صفقة القرن للرد ع صفقة كهربا علشان يتم الضغط ع ادارة الاهلي ويتم التجديد.

نقلها : خليل ابو العلا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *