أخبار عاجلة
الرئيسية / كورة سوشيال / الاعلامي ايهاب نوفل : من يترك الاهلي خائن …. ومن حق الاهلي بيع اولاده

الاعلامي ايهاب نوفل : من يترك الاهلي خائن …. ومن حق الاهلي بيع اولاده

لحظة من فضلك  بقلم الاعلامي ايهاب نوفل 

لما عبدالله السعيد بعد نهايه عقدة مع الأهلي وراح وقع للزمالك كل جمهور الاهلي قال عليه خائن مع العلم من حق أي انسان يدور علي مصلحتة ولا يطلق عليه لفظ خائن الا لو قصر في حق ناديه أثناء سريان عقده النهارده بيتم الاستغناء عن حسام عاشور الراجل الا من يوم صعوده للفريق الأول قمة الالتزام ويطلعوا الا قالوا علي عبدالله السعيد خائن هما هما يقولوا من حق النادي ودي رؤية فنيه يعني لما لاعب يدور علي مصلحتة شرعا يبقي خائن ولما نادي يرمي لاعب يبقي حقه أنا بقول لأي لاعب اخلص للنادي الا بتلعب فيه لكن لما عقدك ينتهي شوف مصلحتك فين مفيش حاجه اسمها انتماء في حاجه اسمها إخلاص للمكان طوال فترة تعاقدك علشان وانت نجم النادي بيجري وراك ولما نجمك بيقل مش هتلاقي حد يقف جنبك وانت كلاعب سنواتك في الملاعب محدودة التزم واخلص للمكان الا بتلعب فيه لكن لو جت لك فرصة انك تعمل لنفسك شيء اوعي تعمل فيها بطل علشان محدش هيقف جنبك ! برافوا اذكي لاعب في مصر وحسبها صح افضل لاعب أمن نفسه عبدالله السعيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *