الرئيسية / صورة فى كورة / مصطفي يونس : بيحاربوا مرتضي لانه جعل الزمالك افضل من الاهلي فنيا واداريا

مصطفي يونس : بيحاربوا مرتضي لانه جعل الزمالك افضل من الاهلي فنيا واداريا

كتب : خليل ابو العلا

  عندما تم توجيه سؤال لنجم مصر والاهلي مصطفي يونس مع ابراهيم انور في اذاعة الشباب والرياضة  .. تحدث كما عاهدناه بمصدقيه وصراحه مطلقه واكد ان مرتشي منصور بيحاربوه لانه ناجح فنيا واداريا … ولو كان فاشل ما كانوا حاربوه وكانوا كرموه … ولكنه اصبح خطرا علي النادي الاهلي …. كان هذا جزء من حديثه ولكن الاتي هو حديثه حرفيا :


ابراهيم انور / ليه كل الهجوم ده عليك يا كابتن من قبل جمهور الاهلي رغم ان حضرتك كنت كابتن النادي الاهلي
مصطفي يونس / عشان بقول كلمة الحق عشان بقول انت مرتضى منصور عمل فريق ينافس الاهلي وعشان بكلم عن مرتضى منصور هو انا بقول حاجه غلط كل كلمه قلتها في حق الراجل ده حقيقي شوف يا إبراهيم انا كل يوم بتشتم بأمي وابويا من شوية عيال مأجورين من محمود الخطيب بس انا مش يهمني ولا بخاف ولا هبطل اكلم الراجل اللي عايزين يعقبوه  بيعقبوه  ليه عشان عمل نادي عالمي انا لما دخلت نادي الزمالك قولت ايه ده هو النادي نادي الزمالك اتصدمت من الجمال والروعه كنت تعاله شوف النادي ده من كام سنه فاتو عايزين يوقفو عشان بقا عامل زي الشوكه في الزور عشان بقا في لعيبه في الزمالك بجد مش ابو كونيه ووجيه عبدالعظيم ووسام العبد واجوجو اللي كان اغلي صفقه في تاريخ الكوره المصريه وقتها وعمل ايه جاب 3 اهداف بس تعالى دلوقتي بن شرقي فرجاني طارق حامد مصطفي محمد محمود علاء زيزو لا عندك لعيبه  جامده يا ابراهيم الاهلي كسب كل الانديه مع فايلر المرتين اللي لاعب فيهم الزمالك مره بضربات جزاء ومره 3/1 لا الزمالك في شغل بجد الراجل اللي عايزين  يوقفوه واخد النادي فيه 270 جنيه في الخزنه وعليه مديونات حوالي 90 مليون جنيه دلوقتي يا ابراهيم الزمالك لمه بيتعاقد مع حد اي لاعب بياخد فلوسه كاش لا مرتضى عمل كتير قوي قوي قوي والناس مش مستوعبه ان يكون في فريق منافس ليهم انت عارف لو كان مرتضى منصور عمل زي المجلس اللي فات ولا لاعبيين ولا فلوس ولا أنشاءات  والله كانو ممكن يكرمو عشان هما مش عيزين حد يوجع دمغهم حد يجيب حق النادي حد يهاجم اي حد يغلط في النادي للاسف اللي يشتغل بضمير يقولو عليه حرامي واللي سيسب الدنيا بايظه يقول يا سلام دانت راجل محترم انت برنس بص بمسافة لمه اخلص اللقاء معاك هلاقي كل الجماهير تشتم فيا بس انا مش زعلان عشان ضميري مرتاح وبقول الحق مش منافق وكداب وحرامي انا راضي علي اللي بقوله مرتضى منصور اشرف من رؤساء انديه كتير دلوقتي وعند ربنا كل حاجه هتبان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *