الرئيسية / كورة سوشيال / دكتور عطيه السيد للجنه الخماسيه : مفيش لازمه للقوانين واللوائح ونخليها قعده عرب علي الجميع .

دكتور عطيه السيد للجنه الخماسيه : مفيش لازمه للقوانين واللوائح ونخليها قعده عرب علي الجميع .

كتب : خليل ابو العلا 

مقال من صفحه المحاضر والخبير الكروي دكتور عطيه السيد   الاعتداء علي   محمد فضل عضو الجبلايه  من محمود كهربا.لاعب الاهلي … هو مقال اعجبني انقله نسخا من صفحته علي الفيس بوك :


بيان الاتحاد امس بيلخص حاجات كتيير…
_ان مفيش لزمة خالص للقوانين واللوائح والعقوبات.. (تبقى جلسات عرب)
_اللجان الموجودة فى الاتحاد ملهاش اى لزمة والإكرم لاعضاءها تقديم اعتذار فورى.
_ان مفيش امل يبقى فى نظام بيطبق على اى حد مهما كان وضعة واسمة.
_ ان لون الفانلة ونفوذ المسؤول هما محور ومصدر الحكم والقرار مش نتائج التحقيق فى الواقعة .
_ان القوانين واللوائح دى اتعملت للضعفاء فقط.
_الاخوة الحنجوريين اللى بيطلعوا يصدعونا كل شوية عن النظام واللوائح والعدل والمساواة عليهم أن يصمتوا للأبد.
_ان مفيش حاجة اسماها اعلام محايد ويمثل السلطة الرابعة، لكن فى حاجة أسماها شوية تابعين بينفذوا تعليمات وبتحكمهم الوان ومصالح، أما المهنية والنزاهة ووضع المصلحة العامة فوق اى اعتبار فدى شعارات بتستخدم وقت اللزوم بس ومع الضعفاء والغلابة اللى ملهمش ظهر .
_اصدارالبيان من الاتحاد ثم سحبوا من كل المواقع ملوش اى معنى غير أن الايادى المرتعشة لاتصلح لإدارة اى مؤسسة ولا تنتظر من إصلاح او نجاح وأننا لسة ملقناش الشخصية الرياضية اللى عندها موهبة القيادة وقوة الشخصية زى صالح سليم مثلا اللى تقدر تاخد قرارات جريئة ومبتخفش ومبتحسبش ومبتوازنش..
_معظم المشاكل التى تحدث سببها ان معظم المسؤلين بيفكروا فى نتائج القرار على مستوى الإعلام والجماهير والسوشيال ميديا.
مش بيفكروا يعملوا الصح.
_اخيرا معرفش الزعيم سعد زغلول كان يقصد مين لما قال مفيش فايدة…
اكيد احنا فهمناها غلط…
العيب فينا..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *