الرئيسية / أخبار ماسبيرو / دكتور جمال العدل يكشف تعصب الاعلام الاحمر ضد الزمالك

دكتور جمال العدل يكشف تعصب الاعلام الاحمر ضد الزمالك

كتب : خليل ابو العلا 

د.جمال العدل في تصريحات نارية عبر قناة الزمالك :
” اون تايم سبورت اللي من المفترض أنها قناة محايدة .. بيبداوا الحلقة بعنوان نبذ التعصب و هم نفسهم حلقاتهم بتثير التعصب ..
انت بتجيب لي اتنين صحفيين واحد زمالكاوي و واحد اهلاوي و تسألهم مين جمهوره اكتر ؟!!!!!
ايه السؤال دة يا كابتن سيف ؟! أنت عاوزهم يقوموا يضربوا بعض ؟! و الصحفي الاهلاوي يرد يقوله إحنا 70 مليون و مصر لا تملك احصاء من الأساس ؟!!!!
– كابتن سيف زاهر .. جايب لي شاب صغير بيلعب في الاهلي يسأله لو انت مكان رمضان صبحي هتعمل ايه ؟! منتظر منه ايه يا كابتن سيف ؟! يرد يقولك ايه المفروض ؟! المفروض أنه يطلع يقولك آه هعمل كدة عشان يمشي من الاهلي تاني يوم ؟!
– كابتن شوبير .. كل يوم يسال لنا عن اخبار اللجنة المالية في نادي الزمالك .. طب حضرتك فين اخبار اللجنة اللي بتفتش في الاهلي و لا سموحة ولا غيره ؟؟!!!!!!
-الإعلام المصري بيموت اي اخبار تدين الاهلي و يرجع يقولك لا للتعصب !!!!!!!! من حق الناس كانت تعرف موضوع الساعات وصل لايه …و حسن حمدي أخباره ايه .. هل طلع رجل محترم ولا ايه ؟؟؟!!!!!!
– إحنا قبل مرتضي كنا بندفع فلوس من جيبنا للنادي و من ساعة ما جه مرتضي النادي بقي فيه فلوس و مش بندفع اي حاجة من جيبنا …
– حضرتك كاعلامي عندك مشكلة مع مرتضي .. أنا ذنبي ايه كجمهور الزمالك .. أنا بحب مرتضي و شايفه ناجح و مختلف مع أسلوبه و لكنه عادة بيكون رد فعل لناس بتعمل اكتر منه و لكن بأسلوب أكثر خباثة … حضرتك يا كابتن شوبير ليه مصمم تتكلم علي مرتضي و مهتم قوي بلجنة الزمالك …
– و انت يا كابتن شوبير حضرتك رايح تيجيب لي محامي النقاز الهارب و ماجبتش محامي هندريك الهارب من الاهلي ؟!!!!!
-انتوا اللي بتعملوا التعصب لما بتكيلوا بمكيالين يا كابتن ..”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *