اسطي ميكانيكي: احمد مجاهد عين سواق وهو معندوش عربيه

بقلم : خليل ابو العلا

وانا بعمل صيانه للعربيه … الاسطي بيدرتش معايا وهو شغال وسئلتي :
هو الدكتور محمود سعد مشوا من اتحاد الكوره ليه ؟

قولت علشان طلبوا انهم يخفضوا مرتبه ٦٥ الف جنيه

فقال ليا : طيب هما جابوا فينجاد ليه بمليون جنيه؟

اتلخبطت واتنيلت وقولت ليه دا هيعمل استراتيجيه جديده لمسابقات الناشئين

فقال ليه هو احنا عندنا مسابقات ناشئين يا كابتن؟
…. دا بيلعبوا دوري من دور واحد دا لو كمل .

فقلت ليه دي ظروف بس لازم نعمل منتخبات ناشئين

فقال ليا : هو حضرتك بتشوف احمد مجاهد ؟

قولت ايو احيانا لما بروح الجبلايه

فقال ليا وحياه ابوك لتقولوا الاسطي ناصر بيقولك انت جبت سواق ( فينجاد) وانت اصلا معندكش عربيه ( قطاع ناشئين ) وازاي تمشي ابو ٦٥ الف جنيه علشان توفر فلوس …. تقوم ايه تجيب واحد بمليون جنيه

طبعا انا خوفت ارد عليه واعارضه ليبوظ العربيه اللي بيصلحها وهي كل اللي حيلتي .

قولتلوا عنيا هيوصل يا اسطي ورحمه امك وابوك .

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *