امير مرتضي : الزمالك دايما بيفرح مصر … واللاعبين جاهزه للسوبر العربي

كتبت : طيبه علي

صرح امير مرتضي  المشرف العام علي الكره بنادي الزمالك  ان البروفسير  فيريرا كان بيحمس اللاعبين في مباريات الدوري من اجل التركيز في  سوبر لوسيل

وكان بيقولهم أن الزمالك هو اللي بيفرح مصر حاليا ولو كانت مصر مراحتش كاس عالم بالزمالك هيلعب علي الملعب اللي هيتلعب عليه نهائي كاس العالم واي كلام كان عن رفض فيريرا لعب المباراه كان كذب واشاعات كالعاده
واكد امير ان الصفقات الجديدة اللي تمت حتي الان   جاهزه للمشاركه في كاس لوسيل علي حسب وجهه نظر فيريرا الفنيه واللعيبه ستعود للتدريب  يوم ٣ سبتمبر القادم ،
واضاف.بشكر جمهور الزمالك علي دعمهم العظيم وجمهور الزمالك جمهور وبيفهم ودايما بيكون في التفاصيل وبيحاول يساعد ويقدم ترشيحات ويتفرج ومقدر تخوفهم وتعطشهم للصفقات خاصه أننا قعدنا فترتين بدون قيد وحابب اطمنهم أن الصفقات اللي جايه قويه وكلها بأمر من فيريرا وحسب احتياجات الفريق من 6 ل 8 صفقات
من حق الجمهور يقلق ويسأل علي الصفقات بس حابب اطمنهم أن لسه باقي شهر ونص علي غلق باب القيد ولسه الدوري هينتهي بكره واي صفقه جديده مش هتلعب اي ماتش معانا ف الفتره دي باستثناء كاس لوسيل لان الصفقات مش هتشارك في دور ال 64 في دوري ابطال أفريقيا
واكد ان ملابس الفريق الجديد سيرتديه اللاعبون فيد كاس سوبر لوسيل أن شاء الله

 

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *