استغاثه لنادي الاعلاميين : المستثمر كداب وعاوزين فلوسنا وسنلجأ للشباب والرياضه

كتبت : يارا مجدي

مازالت  الاتهامات بالنصب والاحتيال من اولياء الامور ضد مستثمر نادي الاعلاميين تفرض نفسها داخل وخارج النادي .ومنها هذا الاتهام المنشور علي الصفحه الرسميه للنادي فيه استغاثه لرئيس النادي للتدخل وخروجه من حاله الصمت التي تنتابه هو ومجلس ادارته .وكانت الاستغاثه كالتالي نقلناها كوبي لصفحه  كوره سوشيال بالعربي اليوم كوره :

تحياتي للجميع الموضوع الذي سوف اتحدث عنه هو يخص سمعة النادي قبل أي شىء الا وهو الاستثمار بقطاع الناشئين ليه النادي سايب المستثمر يفعل ما يحلو له احب أوضح أكثر انا عضو بالنادي وعندي ابنان بقطاع الناشئين مواليد 2007 و 2015 حبيت اقدم لهم ولما قابلت الأخ المسئول عن التقديم قال لي لازم ادفع عن مواليد 2007 مبلغ 8000 جنية وعن مواليد 2015 مبلغ 5000 الاف جنية وفي 400 جنية مصاريف إدارية تمام طيب نظير ايه ان الاولاد هيستلموا شنطة عبارة عن شنطة وترنج وعدد ٢ طقم جميل الكلام وان اللاعب بيتسجل في دوري الجمهورية ويلعب دوري ويطلع له كارنيه اتحاد وكلام جميل حسيت وانا جالس اني في إدارة أوربية في إدارة مثل النادي الأهلي وقولت ان الناس دي كويسه واكيد عايزه ترفع من شان الكرة بالنادي وطبع الكلام دي من حوالي شهرين وطلع الأخ الإداري من حوالي ثلاث اسابيع بيطلب علي الجروب بتاع مواليد 2007 ان اي واحد مش بيخلص ختم الاستمارة من المدرسة والادارة التعليمية مش مسئول ومش هيعمل الكارنيه رحنا بسرعة البرق عملنا اللي طلبه تمام طبعا كده تمام التمام نرجع لموضوع شنطة الملابس طبعا لما دفعت المبالغ المذكورة سابقا وهي 13400 للأولاد الاثنين قالوا لي اني بستلم الشنطة خلال أسبوع مفيش مشكلة وبعد اسبوع سلم لي طقم للمواليد 2015 احمر بس وقال إن باقي الشنطة مع بداية الموسم طيب ومواليد 2007 ودي حارس مرمي قال معلش بيستلم الشنطة كلها مع بداية الموسم ماشي طيب اليوم الخميس والدوري السبت بعد غدا ولسه الولد ما استلم الملابس لهو ولا اخوه دي عرض للمشكلة انا بقي كعضو بالنادي ازي المسئولين عن النادي سيبين المستثمر يعمل كده هي سمعة النادي ملهاش قيمة لان حتي اليوم الخميس الموافق 6/10 المسئول الإداري لم يستخرج كارنيه الاتحاد طبعا كده بعتبر الأمر فيه عدم مصداقية وان موضوع القطاع ما هو إلا سبوبة لجمع المال وان المستثمر عايز يعوض اللي دفعه باي طريقة وان كولي امر مش بسيب حقي المادي وحق ابني المعنوي وليه بنشر الكلام دي علشان في أكثر من طريق لاستراد حقي اولا اطلب من رئيس النادي التدخل لاسترداد المبلغ اللي دفعته علشان انا مش بخلي ابني يكمل مع مستثمر غير صادق واذا لم يتدخل رئيس النادي فهناك شئون قانونية باتحاد الكورة وهناك وزير للشباب والرياضة والحمد لله لنا من يخدمنا وحابب أوضح شىء مهم الموضوع مش موضوع فلوس ولله الحمد بمقدوري ان ادفع للنادي ضعف ما دفعه المستثمر اذا كان الموضوع مادي ارجوا التدخل لحل المشكلة وهذا رقمي للتواصل ———

اللهم قد بلغت اللهم فشهد

هذا ومازالت هناك علامات استفهام واتهامات موجهه لكثير من الاطراف حول سقوط بعض اللاعبيين من ناشئ النادي من السيستم والقيد وذهابهم لانديه اخري وسط سخط من اعضاء النادي …  وصمت من المسئولين .

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *