مرتضي منصور : انهينا الصفقات وسيرفع الحجز قريبا وهحبس كتائب الخطيب

كتب : خالد السيد

صرح المستشار مرتضي منصور  رئيس نادي الزمالك منذ قليل

بعده نقاط هامه ابرزها :
رسميا .. الزناري و عمر جابر و دونجا في الزمالك مع بعض الصفقات الأخري سيتم الإعلان عنها الاحد
-فاضلي ٢ لاعبين و هتصرف في فلوسهم من خارج النادي لأن الحساب محجوز عليه
دونجا أصيب في المنتخب ورغم ذلك ارسلنا كل أمواله لناديه لأن دي أخلاقنا احنا مش زي بتوع كهربا اللي ورطوه
عملنا ثلاث عمليات لمصطفي فتحي بملايين و في الاخر سابنا ومشي
-تسامحت مع عبد الناصر زيدان لأن ربنا بيسامح بس لجان الخطيب اقسم بالله أنا لن التسامح معهم ووصلنا الان الي 246 بلاغ عند النائب العام
-فاركو مفيش مشكله معاهم خلاص بس بقول لشوبير ده درس ليك انت وشبانه اللي ليل نهار بيحرضوا مسؤلي فاركو أنهم يشتكوا الزمالك
-اكن كل احترام وتقدير لكل جماهير الزمالك منذ نشأته بس انتوا مش رئيس النادي و المدير الفني والزملكاوي الحق الذي يدعم ناديه
ممدوح عباس حجز علي حساب النادي ومعندناش ولا مليم و شغالين ومستحملين ويجي واخد يقولي احنا مالنا طب اشتري اللعيبه منين و اجيب تكاليف سفر الفرق منين انت معندكش دم
-بقول لجمهور الاتحاد السكندري المحترم الدنيا هات وخد وزي ما انا بسيب لك لاعبين بردو احنا عايزين لاعبين
-الاهلي مطلع بيان أنه رجع الفلوس والساعات طب لو انت رجعتهم طلع لينا ورق التسليم والتسلم
-إن شاء الله قريبا سيتم رفع الحجز عن حساب النادي

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *