توابع الهزيمه توقظ جماهير الاهلي: بيبو ضعيف ولا نملك لاعبين يستحقون فانله الاهلي واعلامنا يضللنا

كتب : خليل ابو العلا

بعد الهزيمه القاسيه للاعبينكم سموحه لحظات صدق يعيشها محبي كيان الاهلي بمصداقيه بعيد عن التعتيم والكذب الاعلامي الموجه نراه في صفحات الاهلي وهم الجمهور الحقيقي عاشق الكيان  … ومن اكبر صفحات الاهلي علي الميديا هي صفحه ماجيكانو …

خرج علينا مسئول بها بتصريح تاريخي لما يحمل من مصداقيه  نراها في كتابت الكثير ولكن ان تخرج من عباءه الجماهير المخلصه المحبه للكيان  وتدافع عنه بابراز سلبيات واسباب انهيار الفريق الاول لكره القدم … هذا ما جعلنا نقف مع هذا التصريح الحرئ ليطمئن كل قلب محب للاهلي ان هناك الكثير من الجمهور والاعضاء المخلصه لكيان الاهلي بعيد عن من يحموا كرسيهم بالكذب والخداع مستخدمين اعلام موجهه

ونحن ننقل لكم التصريح دون اضافه  ولكن مجبرين ان نحذف كلمات  مهنيا. لا يمكن نشرها …. رافعين القبعه لكاتبها ومؤيدوها وذلك حبا ان نري الاهلي الذي نفتخر به واقع وليس مجرد مخدر ومسكن …. وكان التصريح كالتالي

———————

اسهل حاجه عندنا نطلع نقولك الحكام واتحاد الكوره و الدوله بتتزملك وبلا بلا بلا بس لأ المرادي هنقولك الحقيقه …

الحقيقه ان احنا عندنا رئيس نادي ضعيف و معندوش …..

الحقيقه ان احنا عندنا مدير كوره  مثير للمشاكل

الحقيقه ان احنا معندناش لاعيبه جامده ولا حاجه واتكشفنا اول ما موسيماني مشي

الحقيقه ان احنا جمهور مبيفهمش حاجه ومبيهموش غير البوم طخ والتحفيل

حد فينا قبل كده سأل نفسه ازاي الدوله بتتزملك والاهلي هو اكبر عقد رعايه في الدوري ؟

حد سأل نفسه ازاي الدوله زملكاويه وكل شهرين تلاته يغيرولهم رئيس ويحجزو علي فلوسهم ؟

حد فيكم سأل نفسه ازاي الحكام بتظلمنا واحنا واخدين ٤٢ دوري قبل الڤار نصهم اساسا بأخطاء تحكيميه ؟

حد فيكم سأل نفسه
لو الاهلي كل سنه بيتغيرله رئيس زي الزمالك
و الدوله بتحجز علي فلوسنا زي الزمالك
واتحاد الكوره بيوقفلنا القيد زي الزمالك
و الزمالك هو اكبر عقد رعايه في الدوري

تفتكرو كنا هنفضل نشجع الاهلي زيهم ؟
– والله ابدا

ده احنا مع اول وقعه شتمنا اللاعيبه و الخطيب في المدرجات النهارده هنستحمل نقع ١٠ سنين ؟

طب هاتلي اهلاوي واحد موافق يلعب بمصطفي شوبير وكوكا وموكا وكخه وباقي الشباب طول الدوري زي الزمالك ؟
– والله ابدا

هو احنا مش مكسوفين لما نادي موقوف من القيد ومحجوز علي فلوسه و بيلعب بالشباب يبقي اول الدوري واحنا عندنا فرقتين ومش عارفين نكسب ماتشين ورا بعض !!!

اعترفو ان احنا معندناش هويه
اعترفو ان احنت من غير تدخل الخلايجه ورجال الاعمال منسواش حاجه
اعترفو ان ده مستوانا الحقيقي من غير تدخل الحكام
اعترفو متتكسفوش ده وقتنا عشان نفوق

عارفين احنا ليه مش مكسوفين ؟
عشان احنا ……..

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *