الاعلام يحمي جماهير الاهلي : جمهور الاهلي يعتدي علي مشجعي الانديه و جمهور الاسماعيلي دافع عن نفسه طالبوا بذبحه

كتب : خليل ابو العلا

كتبت هدي حامد علي صفحتها بالفيس بوك كلمات تعبر عن رؤيه اهل الاسماعليه وجماهير الاسماعيلي معلنين غضبهم من الاعلام المصري الذي يقوده اعلام اهلاوي خالص … يظهر مساؤي الانديه وجماهيرها ويعتمد عن مساوئ جماهير الاهلي المعروفه دون ابرازها اعلاميا لحمايه جماهير الاحمر. … وهذا ما جعل جمهور الاهلي يتمادي في الاساءه لجماهير الانديه الاخر وقد يكون الاعلام هو سبب ما حدث من قتلي في بورسعيد وحمايتهم وهم يحملون لافتات في بورسعيد تحمل اهانات لاهل بورسعيد .

وقد كتبت هدي خامد كلمات اخذناها كوبي من صفحتها لعرضها علي كوره شوشيال .

ايوه صحيح جمهور الإسماعيلي متعصب، و ايوه حصل إعتداء منهم (هو في الحقيقة إعتداء متكرر لدرجة العادي) على جمهور الأهلي. لكن محدش بيقولك الأسباب. و الأعلام فقط يذكر نص الحقيقة. خد عندك النص التاني.

– الأهلي مايقدرش يخش #اسماعيلية #بورسعيد #المحلة علشان ممكن مايخرجش.
– و مش هاينفع يلاعبهم في #القاهرة علشان تكافؤ الفرص
– و اهو انضرب في #اسكندرية. و بيرفض يسافر #أسوان عكس بقية خلق الله ، و #سيناء فيها عملية عسكرية.
* طيب الموسم الجاي، يبعتوه يلاعب الناس دي فين ؟ محدش طايقه.
= تفتكر كل المحافظات دي بتكره الأهلي من فراغ؟

– لما جمهور الأهلي اعتدى على جمهور #المصري_البورسعيدي الماتش اللي فات، و اتصوروا بادوات تشجيع اخذوها عافية من جمهور المصري، و قالوا الدور عالمانجا (الإسماعيلي)، كان جمهور حلو؟
* اديك قابلت جمهور الإسماعيلي الماتش اللي بعده، و اعتدى عليك زي ما انت عملت مع المصري (و زيادة شويتين).
= بتعيط ليه ؟ التعصب حلو ليك، و حرام ضدك ؟ ما انت بتعمل كدا.

– لما جمهور الأهلي (و هو كسبان) راح اعتدى على حافلة لاعبي #الزمالك. كان حلو؟.
* بس قعدت تعيط لما جمهور الاسماعيلي أعتدى على لاعبي الاهلي، و حبسهم ٦ ساعات في ستاد الاسماعيلية (ايام ما كان ينفع يدخل اسماعيلية).
= هو حلال ليكم و حرام عالفرق التانية ؟

– حتى #منتخب_مصر لم يسلم منكم. لما مدرج كامل. ساب ماتش مصر، و قعد يشتم في إسماعيلية.
* بس لما جمهور الإسماعيلي بيشتم على قهوة بلدي، بتطالب بتوقيع غرامات عليه.
= و تقول عندك مبادئ و وطنية و انت بتشتم محافظة خاضت كل حروب مصر، في ماتش لمصر.
دا كدا مش تعصب، دا حاجة تانية مش هاينفع أكتبها .

– الموسم الحالي (يوميا) تشتم #الاسماعيلي، من اول: هايهبط و المانجة باظت .. لحد السباب في بلد كاملة.
* يبقى جمهور الإسماعيلي لمًا جالك، و أعتدى عليك كان فعل ولا رد فعل لقلة أدبك و تعصبك؟
= بتحضر العفريت ليه؟ بدل مش هاتعرف تصرفه؟. و انت جربت جمهور الاسماعيلي عشرات المرات، و كل مرة ترجع تعيط، دول بالذات سيبهم في حالهم و ماتبقاش غبي.

– حادثة امبارح : ٣ أتوبيسات لجمهور الإسماعيلي ، انت رايح تشتمهم. ضربوك و كسروا الاتوبيس بتاعك.
لو بتعيط، رايح لهم تستفزهم ليه؟

#الخلاصة
– كل اعتداء من جمهور الاسماعيلي على الأهلي ، جمهور الاهلي عمله مع فرق تانية (و محدش اتكلم).

على الجانب الاخر:
– بتطلع تكذب يوميا تقول الاعلام ضدك ، و هو بتاعك.
– بتطلع تكذب يوميا تقول التحكيم ضدك ، و هو معاك.
– بتطلع تكذب يوميا تقول في مؤامرة ضدك ، و انت اصل و سبب الفساد.

– لما الكرة المصرية فقدت ٧٤ شاب من جمهورها بسبب التعصب ، كان على حساب جمهورك، مش هاقول سبب الكارثة انك يومها شتمت المنافس، لأن دا مش مبرر للي حصل. بس البداية (حسب التحقيقات) كانت عندك. زي ما عملت امبارح و روحت تشتم جمهور الاسماعيلي.
الحمدلله انها عدت على خير.
– الزمالك لما فقد ٢٠ شاب من جماهيره مكنش بسبب التعصب زي الحوادث بتاعتك.
رحم الله الجميع.

طالع تقول متعصبين و بلطجية؟
– جمهور الاسماعيلي هتف للمحلة . و المحلة هتفت للإسماعيلي.
– جمهور المصري هتف للإسماعيلي. و الإسماعيلي هتف للمصري.
– كلهم بيحبوا بعض و بيكرهوك. المشاكل مابتحصلش الا في ماتشات الأهلي.

أخيرا:
– التعصب هايفضل جزء اساسي في شخصية جمهور كرة القدم.
– الاعتداء الجسدي على جمهور المنافس مرفوض. لكن شوفوا مين السبب من الاول.
– التركيز الشديد من الإعلام الأهلاوي على ما حدث خارج الملعب، هو فقط للهروب من الحديث عن مستوى لاعبيهم الفني الضعيف.

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *