رضا سيكا يطالب باستقاله رئيس مجلس الاسماعيلي

كتب : خليل ابو العلا 

رضا سيكا نجم مصر والزمالك والاسماعيلي  صاحب كلمه الحق … غاضب مما يحدث لناديه الاسماعيلي من تراجع فكانت كلماته علي صفحته بالفيس بوك  مطالبا مسئولي النادي بالاستقاله لانقاذ الكياني الاسمعلاويه وكانت كلماته هي :

الناس اللي بتقول ان مفيش تفاوض من الاهلي مع الإسماعيلي علي باهر يركنوا علي جنب عشان في تفاوض و تفاوض كبير كمان
و شخصيا من الخطيب للناظر
و‏ ابوالمعاطى ذكى القريب جدا من محمود الخطيب أكد الكلام ده

ان باهر فى الاهلى مقابل 40 مليون ولاعب أعارة ولا عب نهائي.
. بس العيب مش على حد غير على اللى مش دارى بحاجة
ابراهيم عثمان صاحب نظرية لاعبي مصر شبه بعض وليه ندفع كتير . لما إحنا ممكن ندفع قليل ..
وهو نفس فكر كل المقربين منه ليه نقول الحقيقة ونزعل الراجل لما ممكن نعيشه فى الاونطة . من اول مدير التسويق ، ورئيس المركز الاعلامى السابق اللى كان بيطبل جنب ودنه ، والحالى بتاع حاضر ياهندسة ، ولحد جميع الاعضاء ..

الناس دى اللى وصلت عثمان للغرامات‏‎ اللى غرقت الاسماعيلي فى الديون،
30 مليون عقوبة بيع ابراهيم حسن وفسخ عقد الجزيري وغيرهم كتير ،
وسينتهى الحال ببيع باهر للاهلى لحل الازمة والمفروض هو جاى يحل أزمات النادى اصلا لكن تقريبا هو جاى عشان ……… ……….. ………
مجلس المهندس إبراهيم ة
– فشل في التجديد للقوام الأساسي للقريق
– باع 12 لاعب أساسي
– فشل في الحفاظ على ديسابر
– قدم الفريق نتائج كارثية بمعنى الكلمة لأول مره تحدث في تاريخ النادي
– منع الجماهير من حضور المباريات.
– لم يتعاقد مع أي صفقة على المستوى رغم دخول خزينة النادي أكثر من 200 مليون جنية
– ظلم وانهاء مسيرة كباتن النادى مثل حسنى وصبحى وعمر الوحش
– في عهده و لأول مره منذ الخمسينات الإسماعيلي يضمن البقاء في الدوري في آخر 3 مواسم
-عدم افتتاح النادى الاجتماعى امام الاعضاء رغم افتتاحه من السيد رئيس الجمهورية

اتمنى من رئيس مجلس ادارة النادى الاسماعيلى احتراما للجماهير وللاسماعيلية وللمعلم عثمان احمد عثمان ان تترك النادى لمن يعرف قيمة هذا النادى العريق ..

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *