عمرو اديب يعطي للخطيب درس في الروح الرياضه وتقبل فشله الاداري

كتب : خليل ابو العلا

وجه الاعلامي عمرو اديب خلال برنامجه التليفزيوني  درس في الروح الرياضه لمحمود الخطيب رئيس النادي الاهلي  في كيفيه تقبل الهزيمه والفشل  الفني والاداري كما تتقبل النجاحات  وطالبه بالا  يوزع الاتهامات كلما اخفق  وان يبتعد عن نظريه المؤامره كلما اخفق وفشل لان هذا يعد تقليل من منافسيه الذين هم افضل منه حالا  حاليا اداره وفنيات في كافه الالعاب وكانت كلمات عمرو اديب كالتالي :

الاخ محمود الخطيب طلع اتكلم حوالي ساعة المهم انه خلال الكلمة اتكلم عن انجازات الاهلي السنين اللي فاتت ودور مجلس الادارة فيها تمام من حقك تتكلم عن انجازاتك…

-ولما جه وقت الكلام عن الاخفاقات… الكابتن محمود الخطيب قالك اصل الحكام ولجنة الحكام ولجنة حقوق الانسان… يعني ياكابتن الخطيب انت في الانجازات دي كلها انت عملتها من غير حكام ولا اي حاجه… لكن الاخفقات انت لا تتحملها والحكام والمؤامرة هي السبب فيها.. هو ممنوع ان الاهلي يخسر لوحده زي اي نادي في العالم لازم الخسارة تكون بسبب مؤامرة خارجية لاسقاط الاهلي..وبعدين اللي هيسقط الاهلي ده هيستفاد اية اساسا ده انت بتلعب في دوري محلي وبطولة افريقية كلهم علي بعضهم ب 2 جنية… هو انت فاكر انك بتلعب في البريمرليج ولا دوري ابطال اوروبا…

-لية بتضيع حق المنافس بتاعك فيها اية لما تطلع تقول ان الزمالك اللي مجبش صفقات زي اللي انا جبتها ولا عنده استقرار زي الاستقرار اللي عندي ولا عنده عقود رعاية بملايين زي عقود الرعاية اللي عندي… تفوق عليا وكان افضل مني وكسب الدوري والكاس بمجهود لاعبيه والمدرب العالمي فيريرا وهو يستحق ومبروك وخلاص علي كده… مش لازم تخترع حاجه تعلق عليها فشلك..

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *