فبركه الخطيب واعلامه توحد الزماكاويه خلف رئيسهم للدفاع عن بيتهم

كتب : خليل ابو العلا 

ما فعله الخطيب واعلامه كان سببا في توحيد الزملكاويه يدا واحده  للزفاع عن البيت الابيض ورئيسه المستشار مرتضي منصور …. ورغم صرخات الزملكاويه مما بحدث الا ان ما فعله الخطيب كان اكبر هديه لمرتضي منصور الذي كانت  هناك خصومات كثيره بينه وبين ابناء من الزمالك الا انه وحد ايديهم  خلف مرتضي منصور ليزداد قوه كان من الصعب الوصل اليها ….

وعلي صفحه معاذ ماهر كبير مشجعي الزمالك وعضو النادي كانت كلماته كالتالي منسوخه من صفحته الرسميه 

مايتعرض له الزمالك الآن ليس المقصود به مرتضي منصور،،،، أنا بشجع الزمالك من 18سنه ماكنتش لسه اعرف مين رئيس نادي ووظيفته ايه؟
عمري ما شوفت الزمالك خد حقه في مصر 🇪🇬ولاهاياخده في مصر، الدلع كله للاهلي، وكالة الاهرام للاهلي، فلوس الشباب والرياضة للاهلي، البطولات للاهلي بأمر من الدولة ويشهد علي كده الوزير السابق خالد عبدالعزيز، حتي لما فوقنا واكتسحنا البطولات في بداية الألفية كنا في الرعاية زيينا زي الاسماعيلي والاندية التانية والاهلي بهاء المحتاج حد يساعده كان ياخد اكتر مننا بمراحل في عز فشله،، والدولة شافت مستحيل ايقاع الزمالك كرويا، دمرته اداريا، حسن صقر هرانا مجالس معينة، فريق الكورة كان هايهبط، وفقد قيمته وكنا نفرح ونبوس ايدينا وش وضهر لما لاعب درجة تانية يوافق يلعب للزمالك لان السوبر عارف كويس انه مش هاياخد فلوس، حتي الرعاية بتاعة النادي حسن حمدي رئيس وكالة الاهلي للاعلان جبلنا علي فانلة النادي إعلان بتاع صابون أو مكانس مش فاكر،،، اوعي تقولي مرتضي المقصود، أو مرتضي قليل الادب،، مسكنا دكتور الجامعة وسلم نادى القرن ليهم عشان عينه مكسورة بحملة الانتخابات بتاعته في النادي،، ممدوح عباس كان امين صندوق الاتحاد وفي وجوده وومباركته تم توقيع عقوبة علي إبراهيم سعيد مليووون جنيه عشان سابهم وجا الزمالك مع أن عقده منتهي يامسلم،، وبعد ده كله لما النادي وقف علي رجليه عاوزين تهدموه تاني ياجماهير الزمالك؟

 

 

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *