اعضاء محلس سموحه: فرج عامر تحدث خارج الغرف بغير الحقيقه ومن حقنا نرد عليه

كتب : خليل ابو العلا

صرح  اشرف مختار عضو مجلس اداره سموحه اننا مجبرين للرد علي فرج عامر علي الصفحات لانه هو من اختار باصراره علي الحديث علي الصفحات الرسميه وغير الرسميه بسرد قصص وحكايات غير حقيقيه تسئ للمجلس وللرئيس السابق .

وكان هناك تصريح  خطير ومعلومات مهمه كتبها عضو المجلس اشرف مختار بشجاعه كما كتب غيره من اعضاء المجلس دفاعا عن نفسهم في الاتهامات والتلميحات الخطيره علي لسان المهندس فرج عامر وكتب علي صفحته بالفيس بوك اخذناها كوبي لباب  كوره سوشيال وكانت كالتالي :

مدينا ايد التعاون ومازلنا نمد اليد ولكن لابد من الدفاع بالدلائل عن سنة اشتغلنا فيها بمنتهي الامانة لخدمة الاعضاء

يا باشمهندس ياريت نعرف إيه المطالبات المالية الكبيرة إللي تم مطالبة حضرتك بيها من سنة بالظبط كان في مطالبات كبيرة فعلا وتم سدادها وتم جدولة الباقى
وتم الالتزام بالمرتبات في موعدها ولم تتأخر في أي شهر خلال العام الماضي وربنا يكون في عوننا جميعا عشان نوفي التزاماتنا الشهرية زي ما كنا ملتزمين بيها
و المبالغات إللي حضرتك بتقول عليها في عقود اللاعبين واللاعبات.، اعتقد حضرتك محتاج تدرس الموضوع ده لأن مجموع ما يتم انفاقه حاليا على اللاعبين المحترفين أقل بكتير من العام الماضي مع إن في ارتفاع في الاسعار عموما لكن تم إعادة التوزيع على الألعاب بدلا من كرة القدم فقط وطول عمر سموحة عنده محترفين في الفولي و الباسكت و كل ألعاب الصالات الفرق بس إن المحترفين السنة دي وصلونا مراكز متقدمة محليا و دوليا زي ما حصل قبل كده و بيشاركوا و بفاعلية السنة الماضية كان عندنا ٢ محترفين لم نراهم لا في الملعب وحضروا وكيف غادروا النادي ولا السبب الحقيقي في التعاقد معهم وهم:

أولا سيكيرو، كان يتقاضى #5 مليون و 500 ألف جنيه في العام ٣٥٥ الف دولار وقت التعاقد ٣٣٥.٥
فييرا دشفا، كان يتقاضى #5 مليون و 200 ألف جنيه في العام ٣٣٥ الف دولار وقت التعاقد
وحضرتك بتقول أعلى مرتب كان #٣ مليون و ٢٠٠ الف
لكن حضرتك يمكن نسيت
أحمد رمضان بيكهام،5 مليون و 200 ألف جنيه و ٢ مليون ونصف لناديه
مما ملف سموحة #٧.٧ مليون جنيه ٤٩٧ الف دولار وقت التعاقد على سبيل #الإعارة أي لا يمكن للنادي الاستفادة من بيعه مرة أخرى
رجب نبيل، #3 مليون و 300 ألف ٢١٣ الف دولار وقت التعاقد
أمير عادل، #4 مليون و 600 ألف في العام الواحد ٢٩٧ الف دولار وقت التعاقد
عبد الرحمن حسين، 3 مليون و 300 ألف بالإضافة إلى مليون ونصف لناديه
بمجموع #٤.٨ مليون جنيه ٣١٠ الف دولار وقت التعاقد
مروان حمدي، 4 مليون 830 ألف بالإضافة إلى ٣ مليون جنيه لناديه بمجموع #٧.٨ مليون جنيه ٥٠٣.٥ الف دولار وقت التعاقد وعلى سبيل #الإعارة ولا يمكن الاستفادة من بيعه
محمد عبد العاطي، 5 مليون و 200 في العام و٢مليون ونصف لناديه بمجموع #٧.٧ مليون جنيه ٤٩٧ الف دولار وقتها ولا يمكن الاستفادة من بيعه لإنه على سبيل #الإعارة
أطهر الطاهر، #6 مليون جنيه في العام الواحد ٣٨٧ الف دولار
و هؤلاء هم اللاعبين الذين لم يتم التجديد لهم بخلاف اللاعبين المستمرين مع الفريق أو اللاعبين الذين عقودهم أقل من الرقم إللي حضرتك قلته #٣ مليون و٢٠٠ الف
وأخرين في السلة والفولي و الاسكواش على مر سنوات سموحة تحت قيادة حضرتك
وكان هناك ٢ لاعبين في الناشئين كان عقدهم يتجاوز المليون ونصف ولم يكونوا على هذا المستوى

مش بدعة المحترفين في أي نادي يا باشمهندس بالعكس العبرة بيقدموا إيه للنادي و مشاركتهم فعال ولا بلا اثر محترف البلياردو إللي حضرتك ذكرته حضرتك أكيد عارف إنه حقق لسموحة القاب محلية ودولية متحقق

وعقد الرعاية حضرتك عارف إنه هيدفع ده تعاقد مع شركة كبيرة ومحترمة ودي دفعات و ليها ومواعيد وحضرتك سيد العارفين
وعبد الكبير الوادي تم بيعه باحسن سعر ممكن في الموسم إللي اتباع فيه و لنادي محترم وهيتم سداد فلوسه حكاية إنه كان يستاهل ٢٥ مليون ده كلام مرسل وإحنا بعناه بأعلي سعر وصل النادي ومخدناش فلوسنا لاعبين آخرين بعناه نقدا وحضرتك كنت أعلنت إن حسام حسن تم بيعه للنادي الأهلي ب #٤٠ مليون ولكن انتهى الأمر إلى أن العقد الفعلي كان ب #١٥ مليون فقط وكان هداف الدوري وقتها و يتصارع على شراءه قطبي الكرة المصرية فحضرتك ادرى الناس بأن الأرقام المبالغ فيها لا يتم تنفيذها في الحقيقة.
وبدل السكن فيما يخص كل اللاعبين في النادي أقل بنسبة ٣٠ ٪ من الاعوام السابقة
إحنا رشدنا المصروف يا باشمهندس بخبرة في الادارة المالية ونظام علمي عشان كده سددنا في سنة ما لم يتم في سنين

وانتظمنا في التزامتنا الشهرية بدقة و هو ما لم يحدث أيضا منذ فترة طويلة
النادي مسؤولية كبيرة لا تحل إلا بالتعاون و الكلام المدروس و النية الصادقة لتحقيق الافضل بعيدا عن مغازلة مشاعر الأعضاء و البعد عن الواقع وأنا أظن إن النية موجودة عند حضرتك طبعا فأكيد إللي بنا النادى عايز يحافظ عليه

وده إللي اتعلمناه من خبرة حضرتك الطويلة وحققناه في سنة بحماس الشباب و إخلاص المحبين ولو حضرتك حابب نشتغل مع بعض كلنا تحت قيادتك وبعيدا عن البوستات والفيسبوك فياريت كلنا معاك لكن للأسف مضطر أرد بنفس الطريقة عشان الناس يوصلها المعلومة الحقيقية و الكاملة

كلمات دلالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *